Pulpol

Bakit ba sa tuwina na lamang na may nangyayari sa bansa natin, iyong mga taong dapat na sana'y nangangasiwa at tumutulong ay nawawala?

Napigilan sana iyong buhul-buhol na traffic kung iyong mga MMDA ni Fernando ay naka-deploy kung nasaan sila dapat. Wala sanang stranded na mga estudyante/kolehiyo kung ang CHED ay nagising nang maaga at naging aware sa ulan na pagkalakas-lakas hatinggabi pa lamang. Marami sana ang nailigtas bago magdilim kung ang DND ni Gibo ay nag-utilize na ng mga rescuers tanghali pa lamang. Hinintay muna magpapogi sa tv bago kumilos nang todo! Wala sanang gaanong lumabas na mga tao sa lansangan kung ang PAGASA ay hindi pulpol sa pagbabasa ng weather forecast nila!

Taun-taon na lamang kailangang may mangyaring ganitong trahedya! Alam naman nating lahat na taun-taong binabagyo at binabaha nang todo ang ating bansa. Bakit naman hindi pa rin tayo ready?!? Kung ako nga na nasa loob lamang ng bahay eh naiisip na dapat noon pa may mga naka-ready na tayong gamit pang-rescue, sila pa kaya na mga nasa posisyon at may pera at their disposal? Ano bang mahirap sa pagbili ng extra amphibians dahil sa CAMANAVA pa lamang nagiging dagat na konting bagyo lang? Ang Araneta Avenue, alam ng lahat na laging lampas tao ang baha tuwing may bagyong malakas. Mano man lang may naka-ready ng kahit make-shift rescue vessel man lang di ba? Anong oras nga lumabas iyong mga sasakyan ng militar para maghakot ng mga tao sa daan? Bakit iyong kahabaan ng Quezon Avenue pa lamang o ng EDSA na kay raming naglalakad eh halos gabi na ganon pa rin ang dami ng tao?

Pulpol talaga ang gobyerno natin sa totoo lang! Pulos papogi na lang sila! Si Gibo ba iyong gustong maging presidente na parang pako kailangang pukpukin pa nung unano sa Pasig bago kumilos?

Wala akong masabi kundi pulpol!

Daming pakulo!

Ang daming pakulo ni GMA talaga! Mawawalan daw ng kuryente sa halalan dahil kulang na ang supply ng kuryente sa Luzon, Visayas at Mindanao sabi ni Angelo Reyes... style ninyo bulok!

Alang-alang kay Noynoy

Umatras na si Among Ed, si Grace Padaca, si Kiko Pangilinan, si Jejomar Binay. Alang-alang kay Noynoy Aquino.

Naiisip ko lang, di kaya itong mga taong ito ay pinagkakautangang-loob na ni Noynoy ngayon? Na baka umaasang mabibigyan ng pwesto sa kabinete niya kung sakaling siya'y manalong presidente?